August 2010

വണ്ടൂൂര്‍ അസംബ്ലി മണ്ഡലത്തില്‍ കഴിഞ്ഞ നാല് വര്‍ഷത്തിനിടയില്‍ എ.പി. അനില്‍കുമാര്‍ എം.എല്‍എയുടെ വികസന ഫണ്ടില്‍നിന്നും വിവിധ പ്രവൃത്തികള്‍ക്കായി 2,91,73,915 രൂപയുടെ പ്രവൃത്തികള്‍ക്ക് ഭരണാനുമതി നല്‍കിയതായി ജില്ലാ കളക്ടര്‍ അറിയിച്ചു. 172 പ്രവൃത്തികള്‍ക്കാണ് ഭരണാനുമതി നല്‍കിയത്.

സാമൂഹ്യക്ഷേമ വകുപ്പിന്റെ കീഴില്‍ തവന്നൂരില്‍ പ്രവര്‍ത്തിക്കുന്ന പ്രതീക്ഷാഭവന്‍ പുനരധിവാസ കേന്ദ്രത്തിന് പുതുതായി നിര്‍മ്മിക്കുന്ന കെട്ടിടത്തിന് ഇന്ന് (ആഗസ്ത് 31) ഉച്ചയ്ക്ക് 12ന് ആരോഗ്യ വകുപ്പ് മന്ത്രി പി.കെ. ശ്രീമതി ടീച്ചര്‍ തറക്കല്ലിടും.

തിരൂര്‍ , കുറ്റിപ്പുറം ബ്ലോക്ക്പഞ്ചായത്തുകളുടെ കരട് വാര്‍ഡ് വിഭജന നിര്‍ദ്ദേശ പരാതികളിലുള്ള വിചാരണ സെപ്തംബര്‍ ആറിനും വണ്ടൂര്‍ ബ്ലോക്ക്പഞ്ചായത്തിലേത് എട്ടിനും തിരുവനന്തപുരം വഴുതക്കാട് ട്രിവാന്‍ഡ്രം ഡവലപ്പ്‌മെന്റ് അതോറിറ്റി കോണ്‍ഫറന്‍സ്ഹാളില്‍ നടക്കും. പരാതിക്കാര്‍ രാവിലെ 11ന് ഹാജരാകണമെന്ന് ജില്ലാകളക്ടര്‍ അറിയിച്ചു.

കോഴിക്കോട് നടുവട്ടം സര്‍ക്കാര്‍ ക്ഷീര പരിശീലന കേന്ദ്രത്തില്‍ സെപ്തംബര്‍ രണ്ട്, മൂന്ന് തീയതികളില്‍ പാലുല്പാദന പരിശീലന പരിപാടി നടത്തും. ഫോണ്‍ : 0495 2414579.